Бомбици со овошје и јаткасти плодови
Потребни состојки:
50 гр. лешници
50 гр. ореви
50 гр. сечкани урми
50 гр. сечкани суви кајсии
50 гр. кокосово брашно
1 лажица мед
2 лажици путер од кикирики
1 лажица растопено кокосово масло
Начин на подготовка:
Ставете ги јаткастите плодови во кујнски сечко и фино сомелете ги. Потоа во сечкото додадете ги сечканите кајсии и урми, кокосовото масло, путерот од кикирики и половина од кокосовото брашно.
Сечкајте со пулсирање додека добиете хомогена смеса. На крајот додадете го медот и повторно кратко вклучете го сечкото, за медот да се распореди низ смесата.
Од готовата смеса за бомбици направете 14 топчиња и секое топче извалкајте го во преостанатото кокосово брашно. Оставете ги бомбиците да стојат најмалку 1 час за да се соединат сите вкусови, а потоа складирајте ги во вакумска кутија и ставете ги во ладилник.
