Зошто треба секој ден да јадете јаткасти плодови?

Истражувањата покажаа дека секојдневното консумирање јаткасти плодови помага кај одредени здравствени проблеми. Јаткастите плодови се богати со најразлични хранливи состојки, корисни за човечкиот организам.
Количината на тие хранливи вредности варира во зависност до самиот плод, па со самото тоа се корисни во превенција на различни состојби. Така, јаткастите плодови се покажаа како корисни во борбата против холестерол и триглицериди.

Овие намирници исто така се одличен сојузник кога станува збор за дијабетес тип 2, но исто така јаткасти плодови особено треба да консумираат луѓе кои имаат проблеми со срцето.
Бадеми
Бадемите се богати со витамин Е, моќен антиоксиданс кој влијае на намалувањето на ризикот од рак. Според досегашните истражувања, помагаат и при проблеми со срцето и дигестивните органи.

Ореви
Одличен извор на бакар, неопходен за нашето тело при производство на енергија и синтеза на невротрансмитери. Истражувањата покажаа дека го намалуваат ризикот од срцев удар и помагаат во регулирање на холестерол и триглицериди во организмот.

Кикирики
Благодарение на високото ниво на монозаситени и полизаситени масти, кикириките можат да го одржат срцето здраво. Олеинската киселина кај кикириките може во крвта да го намали лошиот холестерол и да го зголеми добриот. Добри се во превенција на мозочен удар и коронарни болести.

Лешници
Влијаат поволно на комплетниот кардиоваскуларен систем. Експертите советуваат да се консумира во свежа состојба. Според зборовите на многу нутриционисти, пожелно е умерено внесување лешници, до 30 г на дневно ниво. Лешниците се одлична замена за „грицки“, даваат доволно енергија и ако се внесуваат во умерена количина, не влијаат на вишокот килограми.

Leave a Reply

Your email address will not be published.