Плескавици од компир и брокула

ПОТРЕБНИ СОСТОЈКИ

600 гр. компири
300 гр. брокула
3 јајца
100 гр. брашно
250 гр. лебни трошки

1 лажица ленено семе
1 лажица чиа семе
масло за јадење
сол
бибер

ПОДГОТОВКА НА РЕЦЕПТОТ

Компирите се варат и се оставаат малку да се изладат за да може да се лупат. Во меѓувреме се подготвува брокулата. Брокулата се мие, чисти и се кине на цветови, па се става во провриена вода да се вари. Кога брокулата ќе омекне се цеди низ цедалка и се остава да се излади. Потоа се сече на ситни парченца или се ренда на крупната страна од рендето.

Изладените и излупени компири се рендаат на крупно и во нив се додава брокулата. Се посолува, се побиберува, се додаваат семињата и едно јајце. Сите состојки се мешаат со рака додека состојките се соединат. Од добиената смеса се формираат плескавици. Секоја плескавица се валка во брашно, во изматено јајце па во лебни трошки. Се пржат на загрено масло додека поруменат.