СОЧНО И ВКУСНО: Полнето свинско филе – на кое некогаш сте го пробале
Easy Sauces For Pork Tenderloin New Quick Roasted Pork Tenderloin with Fig and Chili Sauce
Состојки:
1 кг. свинско филе
100 гр. сува сланина
500 гр. грашок од конзерва
100 гр. шунка
3 варени јајца
100 гр. ементал сирење
150 мл. масло за јадење
100 гр. путер
сол
бибер
Сланината се сече на коцки и се става во тава на оган да се пропржи. Потоа се додава грашок од конзерва исецеден од течноста во која бил конзервиран, исечкана шунка и исечкани варени јајца, а на крајот и исечкано сирење. Се убаво се промешува и се остава на страна. Од месото се прави една голема шницла која се чука со чекан за месо за да омекне. Се посолува и побиберува.
Врз шницлата се нанесува веќе подготвеното полнење и внимателно се витка во ролат за полнењето да не излегува надвор. Ролатот се прицврстува со готварски конец или чепкалки за заби.
Во тава на оган се ставаат маслото и путерот да се загреат. Се става ролатот да се пржи на умерена температура и постојано се прелива со маслото од тавата. Кога ролатот добро ќе порумени од сите страни, се вади од тавата и се става на даска за сечење да одмори 5 минути. Потоа се сече на кругови и се полива со сокот од тавата во кој може да се додаде и малку кисела павлака.
