Топла рафаело овесна каша
Состојки
130 гр овесни снегулки
30 гр кокосови трошки
450 мл домашно кокосово млеко
3 лажици мед
2 лажици сецкани лешници
Подготовка:
1. Во длабок сад на оган на средна температура го ставаме млекото. Ги додаваме овесните снегулки и кокосовите трошки. Ја вариме овесната каша со често мешање, додека не омекнат овесните снегулки . 2. Кога ќе биде готова ја тргаме од оган и го додаваме медот. Промешуваме. Во смесата додаваме сецкани лешници, промешуваме. Сервираме во чинии. Додаваме парчиња банана и цели лешници.
