ЌОФТИЊА КОИ ЌЕ САКАТЕ ВЕДНАШ ДА ГИ ПРИГОТВИТЕ (РЕЦЕПТ)

Ако сакате да подготвите нешто вкусно, едноставно и лесно, кое може да ви послужи како предјадење или цел оброк за вашите најмили или за некои гости, тогаш направете си го овој рецепт за превкусни ќофтиња кои се готови за кратко време. Ќофтињата можете да ги пржите или да ги печете, а состојките кои што се ставаат во смесата од мелено месо, одлично се координираат меѓусебно и вкусот е многу добар. За да го дополните богатиот вкус, можете да ги послужите со сос од блендиран зеленчук и пропржен кромид.




ПОСТАПКА: 500 г мелено месо се става во еден подлабок сад. Настрана исечкајте 100 г кромид на ситни коцки, па додајте го во меленото месо. Преку преса или со нож, исечкајте 2-3 чешниња лук и додајте ги во смесата, па истото направете го и со магдоносот кој треба ситно да го исечкате.




На крајот, останува само да ги додадете зачините по вкус. Додајте сол, црн пипер, слатка зачинска пиперка, чили по желба, малку ким и коријандер за вкус. Од 1 парче леб (кришка) извадете ја кората и само мекиот дел додајте го во смесата, со кинење на поситни парчиња.




Измешајте ги сите состојки со раце, како да месите тесто, додека фино да се распоредат. Од вака подготвеното месо, се формираат ќофтиња, кои може да ги формирате со помош на дланките или да земете 1 дрвено стапче за ражнич и смесата да ја обликувате со помош на него.Додајте и прстофат сода бикарбона.




Ќофтињата треба да изгледаат поситни, но подебели, за еден до два залаци. Вака подготвените ќофтиња се редат на плех, обложен со хартија за печење и се ставаат во фрижидер околу 30-тина минути, за смесата фино да се стегне и ќофтињата да не се распаѓаат.